عين الحسود فيها عود

بسم الله الرحمن الرحيم ...
انا بجد يا جماعة مش عارف اعمل ايه فى موضوع الحسد ده اللى بقى منتشر انتشار فظيع شنيع مريع ....
اللهم
لا اعتراض .. بس كل يوم نسمع عن مصيبة بسبب الحسد ... انا عارف ان كله
مكتوب وكله بايد ربنا ... بس فيه حاجات كتير بتحصل من غير متفكر تبقى عارف
انها بسبب الحسد ..

انا عايز اسال سؤال:

ليه بنحسد بعض ؟؟ ... ليه بنحقد على بعض ...؟؟؟

مفيش
حد فينا ملازمه الحظ والخير والهنا وبايت عنده ليل نهار ... كلنا بنمر
بايام حلوة وايام مرة ... بصحة وبمرض ... بغنى وبفقر ... بسعادة وبتعاسة
... بنجاح وفشل ...

مفيش
حد بياخد من الدنيا زيادة عن غيره ... بس الايام دول .. يوم لك ويوم عليك
.. يعنى لو انت زعلان النهارده بكره هتكون فرحان ... ولو تعبان النهارده
بكره هتكون مرتاح ... ولو فقير النهارده ... بكره ربنا هيغنيك ... ولو
فشلت النهارده بكره ان شاء الله هتنجح ...

يبقى ليه ننكد على بعض وندمر بعض بعيوننا وقلوبنا اللى مليانة غل وحسد ...

ليه نستكتر الخير على بعض ... ليه مندعيش ربنا انه يرزقنا خير زيه بدل منتمنى زواله من غيرنا ...

ليه
منرضاش بحالنا ونشكر ربنا سبحانه وتعالى على نعمه العظيمة علينا التى لا
تعد ولا تحصى ...واللى مش آخدين بالنا منها ومشغولين بس بنعم ربنا على
غيرنا
انا بجد مش عارف ليه الدنيا كده ..

وعلى رأى عبد المطلب (حبيبي):
((( ده كل قلب انجرح ولكل واحد كاس ...)))

اكيد طبعا كلكوا اتعرضتوا للحسد ...
ياريت تشاركونى بآرائكم وتجاربكم ..
ولو فيكم حد متحسدش قبل كده بلاش يشارك .................... بدل ميتحسد

وكفاية بقه عشان انا كمان متحسدش

احب انصح الناس تقرب من ربنا اكتر

عشان طول ما انت قريب من ربنا مفيش حاجة هتمسك ولا حسد ولا حاجة خالص

اما بالنسبة للناس للجهلة اللي بيقولوا عشان يتحموا من الحسد

( عين الحسود فيها عود )

( خمسة وخميسة )

( هش هش ياديك الفرخة دي مش ليك )

وحاجات تانية كتييييييييير

اقولهم ماتيجي نتقرب من دينا ونعرف ربنا كويس عشان يكرمنا
...................

الموضوع جميل وبجد شكرا ليك بس فيه مقولة بتقول استعينوا على قضاء حوائجكم بالكتمان

وانا شايفه ان السبب في الحسد ده هو الانسان نفسه لانه مش بيلتزم بأوامر ربه
ومش بيقرأ المعوذتين ويقعد يتباهى بنفسه ادام اي حد اكيد هيتحسد

ومش كل الحسد مذموم
فيه كمان حسد ممدوح وهو الغبطه يعني ان الانسان يتمنى انه يكون عند زي اخوه
بس بدون زوال النعمه من عنده ..............

وبس وشكرا مرة تانيه

اولا شكراااااااااا جداااااااااا ليك ياسلام

ثانيا\ الحسد فعلا مذكور في القران
بس انا شايفة ان الغل والحقد اكتر من الحسد محدش بقي يحب الخبر لحد محدش بقي قلبه علي قلب التاني كلة بيفكر في نفسة وبس كله بيبص لعيشه غيرة ومحدش راضي بنصيبة وكلنا كدة ماشين بمقولة (اشمعني )ومحدش ينكر ان مش بيقول الكلمة ديه حتي لو مش بتقولها ادام الناس بتقولها في قلبك
لازم كلنا نرضي بكل حاجة كتبها ربنا لينا
ويلا كلنا نجرب ان احنا نرضي بالحلو وبالوحش
لان لو في رضا مش هيبقي في حسد

وشكراااااااااا يااسلام علي موضوعتك الهدفة

فعلا يابسمه عندك الحق المفروض كل واحد يبقى قنوع وراضي باللي ربنا كتبهوله

شكرا ليك يا اسلام علي حسن اختيار موضوعك

كل سنه و الاعضاء كلها بخير بمناسبه شهر رمضان

موضوع الحسد طبعا موجود و ربنا لما بيذكر المشكلة في القران لازم يوجد لها الحل برضه من القران
يعني زي ما ربنا ذكر ان الحسد موجود فعلا بين الناس ذكر كمان العلاج من داخل القران و هو المعوذتين

المشكلة موجودة في الناس و النفس الامارة بالسوء و مش كل الناس صافية و طيبة و تتمني لك الخير
في ناس الحقد و النظر للنعمة في ايد الاخرين هواية عندهم وممكن تكبر و تبقي طبع فيهم

انا بقول ان الانسان طالما قلبه صافي و يتمني الخير للناس مش هايبقي في حاجة اسمها حسد موجودة

و علي فكرة المصريين زمان كانوا مشهورين بحب الخير لبعضهم و الجيران تحب بعض
و تخاف علي بعض جدا و كان مش ممكن حد يقع في مشكلة و مايلاقيش جاره او صاحبه او اخوه ......
واقف جنبه و بيساعده

بس الحال اتغير و الناس اتغيرت و استر علينا يارب

علي فكرا يااسلام الموضوع ده جامد اوووي

وانا مع كل الكلام الي الناس اتكلمه في

طيب ما احنا راضيين باللي ربنا كاتيبهولنا
وبنحمد ربنا ..الحمد لله على كل شئ
بس برضه بنتحسد
اعمل ايه ...

مش لازم تحسدي
اتمني ان يكون عندك ذي اللي عند الناس بس متتمنيش زوال النعمة من عند الناس
فاهمة
ودة بتبقي حسد من غير قصد
وحلها بسيط قولي بسم الله مشاء الله الله اكبر

وتاني مرة شكرااااااا علي موضوعاتك ياسلام
وها من مزيد من موضوعتك

شكرا بجد على الموضوع دة يا اسلام لانه جميل جدا ومهم ويريت الناس تهتم بيه

بس بجد ياجماعة قليل جدا لما حد مؤمن يأثر فيه الحسد طول مهو عارف ربنا كويس ومؤمن بيه ممكن تكون ابتلاءات من ربنا لكن مبتكنش بسبب الحسد

وبردو يريت الناس تبطل حسد على غيرها ممكن تتمنى ان يكون عندها اللى عند غيرها

وعلى فكرة الجمل اللى الناس بتقولها وفاكرة انها بتحميها من الحسد مبتعملش اى حاجة الحاجة الوحيدة اللى تحمى من الحسد هى الايمان بربنا وقراءة المعوزتين دائما

ومرة تانية شكرا على الموضوع دة جدا يا اسلام