فضفضة

طبعا كل واحد بتمر عليه اوقات بيبقى فرحان واوقات بيبقى حزين واوقات بيبقى تعبان ومهموم
في الاوقات دي اكيد بنلجا لربنا بس لازم طبعا نتكلم مع اقرب واحد لينا فيه ناس بتتكلم
وفيه ناس بتعبر بالنظرات وفيه ناس بالجوبات وناس بتتكلم بالقلب وفاكره ان التاني بيسمعها
ايا كانت الطريقة المهم ان احنا نتكلم ونفضفض عن اللي جوانا لاقرب حد اجمل حاجة انك تلاقي حد تفضفضلة
ويحس بيك صح....................
لكن لو الانسان ده ماحسش بيك وسخر من مشاعرك واحاسيسك هتعمل ايه
1-مش فارقة هو من امتى والناس بتحس بيا ماحدش بيفهمني ولا بيحس بيا الا انا وبس
وهتروح على غرفتك وتنام او تعيط او تكتب مذكرات المهم انك مش هتفضفض لحد غير نفسك

2-هتدور على حد غيره يحس بيك ولو مالاقتش هتدور تاني وتالت ورابع ومش هتزهق المهم الا الوحده

3-هتروح تكلم الانسان ده وتحاول تخليه يحس بيك باي طريقة

طب لو انت اخترت رقم واحد وفقد الثقة بكل الناس واتعودت على الوضع ده وبعدين
جه واحد وقالك انه حاسس بيك وفاهمك ومقدرك هتعمل ايه

1- اشمعنى ده اللي هيحس بيا اكيد زي غيره ماحدش يستحق ثقتي انا كده مرتاح ملك وشاري دماغي لا بجرح حد ولا حد بيجرحني

2-يااااااااااااااااااه اخيرا لقيت حد يحس بيا هوه ده اللي يستحق ثقتي

3- هتختبره وتشوف اذاكان فعلا يستحق ثقتك ولا لا

ومعلش طولت عليكم وشكرااااااا

الموضوع بجد تحفة ياياسمين بس انا عايزة اقولك ياحبيبة قلبي
انه ايد لوحدها ماتصفقش طير بجناح مكسور مايطرش ولاايه
انا لو مريت بالموقف ده هروح للانسان ده واخليه يحس بيا باي طريقة
بالنسبه لتاني سؤال
اخترت رقم واحد وفقد الثقة بكل الناس واتعودت على الوضع ده وبعدين
جه واحد وقالك انه حاسس بيك وفاهمك ومقدرك هتعمل ايه

انا هختبره واشوف

الموضوع جميل جداااااااااااااااااااااااا بس انتي لسة صغيرة لية كدة بس انا هرد عليكي لو الحد دة محسش بيكي مش لازم تفضفضي لحد اصلا انا افضل الصمت او اشكي لنفسي او اعيش علي امل انة ممكن يحس بيا في يوم من الايام بالنسبة لسؤال الثاني متفقديش الثقة في حد وخلي عندك امل

اولا الموضوع حلو بالنسبه لاجاباتي
اول سؤال
1-مش فارقة هو من امتى والناس بتحس بيا ماحدش بيفهمني ولا بيحس بيا الا انا وبس
تاني سؤال
- اشمعنى ده اللي هيحس بيا اكيد زي غيره ماحدش يستحق ثقتي انا كده مرتاح ملك وشاري دماغي لا بجرح حد ولا حد بيجرحني
وشكرا

ياميرة صوابع ايديكي مش ذي بعضها بس انتي عندك حق انتي كدة مريحة دماغك لا بتجرحي حد ولاحد بيجرحك ياريت كلنا نبقي ذيك كدة

بصي يا اميرة انا معاكي انه في الزمن ده نادرا ماتلاقي حد تثقي فيه بس بجد لسه الدنيا بخير

وانا لله وانا اليه راجعون

توفيه الي رحمت الله

ايه ياجدعان

في ايه

هو الموضوع دة جنازة وانا مش واخدة بالى ولا ايه

بس بصراحة المرحوم كان عزيز علينا كلنا الله يرحموا
اهئ اهئ اهئ
هم السابقون ونحن اللاحقون