عدد الرسائل : 415 العمر : 32 المذاج : البلد : my sms : عيش حب الناس وعيش تاريخ التسجيل : 05/05/2007
موضوع: عايزنا نرجع زي زمان ؟؟ قول للزماااااااااان الثلاثاء نوفمبر 24, 2009 5:36 pm
زمان أوووى و أنا عندى حلم بسيط أووى ... لكنه الحلم المستحيل ... ليس تشاؤماً منى لا سمح الله ...لكن عادتاً ما نحلم بشئ ليحدث فى المستقبل ... لكن الحلم دة مينفعش يتحقق إلا اذا الزمن رجع لورا ...و للأسف الزمن عمره ما بيرجع .... الحلم دة و ببساطة شديدة جداً انى كنت اتمنى انى اعيش فى زمن تانى غير الزمن دة .. يعنى ارجع لورا شوية ... مش ورا اووى يعنى 50-60 سنة كدة ... يعنى لحد ما اوصل لعصر جمال عبد الناصر كدة ... أه و ماله يعنى ؟؟؟!! و الله كانت أياام حلوة ...
أصلى قريت عن عبد الناصر كتيير أووى ... مفكرين و كتاب كتير اووى قالوا على عصره ان العصر الذهبى لمصر ... و آخرون قالوا لا ،،، و انه كان ديكتاتورى و عصره كان مفيهوش أى نوع من أنواع الحرية ... وطبعاً كل دى ماهى إلا أراء شخصية بتعبر عن وجهة نظر أصحابها ..... انما الأكيييد و اللى محدش يقدر ينكره ان لحد دلوقتى الأمة عربية من المحيط إلى الخليج معرفتش تجيب زعيم زيه .... والأكييد برده ان العرب كلهم فى عصره كان ليهم كرامة وسط كل الشعوب .... وإلا مكناش شفنا كل حب الشعووب العربية دى ليه و اللى لسة موجود لحد دلوقتى ...
كان نفسى أوووى أشوف العرب وهم أمة واحدة .... أه كانووا أمة واحدة ... بيسمعوا أغانى أم كلثوم و حليم و فيروز ... بيقرأوا روايات و كتب نجيب محفوظ و إحسان عبدالقدوس و طه حسين ... و يموتوا فى أشعار جاهين .... من غير ما يقولوا دة مصرى و لا جزائرى و لا سورى ....
كانوا أمة واحدة ... هدفها واحد ... حلمها واحد ... شعبها واحد ... شهداءها واحد بيدفنوا فى أرض واحدة ... حتى عدوها كان واحد ،،،حتى لو كان أكتر من عدو .... عشان كدة قدروا يحققوا انجازات كتيير أوووى ... انجازات احنا حتى مش قادرين نحلم بيها ... قدروا يحرروا معظمهم أرضهم ... كانت مصر بتبعت جيوشها تدافع عن أراضى العرب حمايةً للعروبة ... كانت الدول العربية بتمنع بترولها و بتقدم مساعداات لمصر عشان تصمد فى حربها ... حتى لما غنوا ..غنوا ((وطنى حبيبى الوطن الأكبر يوم ورا يوم أمجادة بتكبر .. لانتصارته مليه حياته ..وطنى بيكبر و بيتحرر</SPAN> ))... طبعاً الأغنية دى ميبنفعش حتى نقولها فى سرنا دلوقتى .....
وعشان كل الأسباب اللى فاتت دى وأكتر منها ... بتمنى انى كنت اعيش فى عصر عبدالناصر ...
بس للأسف عبدالناصر مااات خلاص و راحت أحلامه معاه ... و يمكن دلوقتى افتكرت حاجة ... من كام سنة كدة لما درسنا شخصية عبدالناصر فى التاريخ ..افتكر أن المعلمة قالت لنا أنه مات بعد ما أنهى قمة القاهرة التى عُقدت لوقف القتال بين الأردن و منظمة التحرير الفلسطينية بعد أن ودع أخر رئيس عربى ،،، و قالت لنا انه وُضع له سم فى العصير لأنه بيحاول أن يجمع شمل العرب و هذا ما يكره الأعداء ((على فكرة قريت بعد كدة عن لغز مقتل ناصر وتقدر تبص هنا أو هنا)) المهم وقتها اتمنيت انى لو كنت انا اللى شربت السم دة .. وأموت أنا و هو يعيش لهدفه .... لكن الآن و بعد ما أراه يحدث لهذة الأمة ... فهؤلاء يهينون و يسبون هؤلاء .. و هؤلاء يسخرون من هؤلاء .. و هؤلاء يتهمون هؤلاء بالتعامل مع الصهاينة .. و نجد أن نجمة داوود رمز العلم الإسرائيلى تشارك أعلام للدول العربية ... ومع كل أسف أن من وضعوها هم عرب أيضاً ... فوالله كويس أن الراجل مات قبل كل دة ... لأنه لو كان لسه عايش و شاف العرب كدة كان أكييد انتحر من اللى بنعمله دة ..... رحمك الله يا عبد الناصر كنت رجل تحمل فى قلبك أمة .. وبعد وفاتك عشت فى قلب أمة ..
سنظل نحلم بأيامك ... و لكن على رأى أم كلثوم "عاوزنا نرجع زى زمان ..قول الزمان أرجع يا زمان " لكن مع كل أسف " أهو دة اللى مش ممكن أبداً" ..... ************************************************************************************
عاشق الموت
عدد الرسائل : 227 العمر : 39 Localisation : الدنيا لاترحم من فيها غريب +الدمع تكريم الاموات المذاج : البلد : my sms : الفيوم/المسله/العبودى تاريخ التسجيل : 20/09/2008
موضوع: رد: عايزنا نرجع زي زمان ؟؟ قول للزماااااااااان الثلاثاء نوفمبر 24, 2009 8:16 pm
مافيش فيده
ملكة الغموض
عدد الرسائل : 409 العمر : 32 Localisation : الفيوم الجون المذاج : البلد : my sms : سكوتي لا يعني جهلي ولكن من حولي لا يستحق الكلام تاريخ التسجيل : 09/05/2009
موضوع: رد: عايزنا نرجع زي زمان ؟؟ قول للزماااااااااان الأربعاء نوفمبر 25, 2009 11:01 pm
شكرااااااااااااااااا ياسلام علي الموضوع هو موضوع حلو
بس دة كدة عدم رضا علي الزمن اللي انت فية
ارضي بكل حاجة ربنا مقسمهالك سواء زمن او اي حاجة
بس عادي ممكن تكون امنية انت بتتمنها
sky angel
عدد الرسائل : 66 العمر : 36 المذاج : البلد : my sms : لا اله الا الله محمد رسول الله تاريخ التسجيل : 12/10/2008
موضوع: رد: عايزنا نرجع زي زمان ؟؟ قول للزماااااااااان الجمعة ديسمبر 04, 2009 7:29 pm
علي فكرة يا اسلام بجد و الله دي امنيتي المستحيل تتحقق و هي اني اكون من مواليد الاربعينات
عشان كل حاجة زمان كانت حلوة و جميلة و كان فعلا المصري بيحب بلده بجد
و الجيش كان بيعيش علي اغنية ( خلي السلاح صاحي )
و ام كلثوم كانت بتغني للجيش عشان ترفع روحه المعنوية
و حاجات كتير اوي
و عبد الناصر كانت ليه كايزما عجيبة بتحبب الشعوب و الحاكم فيه كفايه انه شخصية لا تعوض
فعلا موضوع اكتر من رائع يا اسلام كفاية انك عبرت عن حاجة جوايا جميلة مش عارفه اطلعها
waleed
عدد الرسائل : 708 العمر : 32 Localisation : انا زحمه و ربكه و شغل جنان .. نصي بيضحك و التاني زعلان .. انا شيء فلتان .. طيب شرير و جريء و جبان .. اوقات مشرق و اوقات بهتان .. و ساعات سليم .. و ساعات تعبان مفتري جدا و كمان غلبان .. انا م الاخر عفريت لابس بدله انسان المذاج : البلد : my sms : لا تسال دموعي عن اوجاع الايام تاريخ التسجيل : 28/10/2007
موضوع: رد: عايزنا نرجع زي زمان ؟؟ قول للزماااااااااان السبت ديسمبر 05, 2009 8:33 pm
ايووووووو يااسلام الموضوع ده جامد اووووووووووووووي
وشكرا ليكككككك يابشبوش
ياسمين الشريف
عدد الرسائل : 407 العمر : 29 المذاج : البلد : my sms : لا اله الا الله
محمد رسول الله تاريخ التسجيل : 03/01/2009
موضوع: رد: عايزنا نرجع زي زمان ؟؟ قول للزماااااااااان السبت ديسمبر 12, 2009 2:38 am
الزمان عمره ماهيرجع تاني يبقى ليه نتمنى امنيه مستحيلة؟؟؟
ليه مانتمناش ان الحاضر اللي احنا عايشين فيه يبقى زي الزمان الجميل ده او افضل منه وليه نكتفي بالامنيات ليه مش كل واحد يبدأ بنفسه ويتغير للافضل وليه دايما بنحط المسؤلية على الحاكم بس صحيح هوه مسئول لكن انت كمان مسئول وانا مسئولة وبصراحة لو احنا نستاهل الزمن الجميل ده كان ربنا اوجدنا فيه ربنا هو وحده اللي يعلم الخير لينا في اي زمن. وده رايي وشكرا يا اسلام على الموضوع
jana
عدد الرسائل : 108 العمر : 26 Localisation : الفيوم _ المسلة المذاج : البلد : my sms : عمر مكان الصمت معناه نسيان شوف الارض صامتة بس جواها بركان لو سألت سؤال تعطونى برهان ليه اللى قلبه طيب دائما خسران تاريخ التسجيل : 20/12/2009
موضوع: رد: عايزنا نرجع زي زمان ؟؟ قول للزماااااااااان الخميس يناير 28, 2010 2:33 am
هو الموضوع جميل جدا بس ممكن بدل منتمنى اننا نرجع لزمن جمال عبد الناصر ممكن نتمنى ان زمنا يبقى زى زمن جمال عبد الناصر لانة فعلا كان زمن جميل اوى
الثلاثاء نوفمبر 24, 2009 5:36 pm
بيسمعوا أغانى أم كلثوم و حليم و فيروز ... بيقرأوا روايات و كتب نجيب محفوظ و إحسان عبدالقدوس و طه حسين ... و يموتوا فى أشعار جاهين .... من غير ما يقولوا دة مصرى و لا جزائرى و لا سورى ....
