تعالو نتكلم في حاجه مفيدة

عايزين بقى يا جماعه
نتناقش في حاجه مفيدة
نسيبنا بقى من المواضيع الهايفة شويه

يعني كل واحد يختار حاجه
يتكلم فيها شويه
يقول رأيك ويطرح فيها شوية اسئلة

ويحكي مواقف حصلتله

وكده يعني

بس بلاش بقى الكلام في الحب يا رومانسيين

يعني انا شايف ان الكل بيتكلم في الحب وكده
ياريت نغير شويه

يعني نتكلم في حاجه بعيدا عن مين اكتر حد بتحبه

كلنا طبعا بنحب مصر اكتر حاجه
وسمعني اغنية ماشربتش من نيلها

هههههههههههههههه

هااا
هستنى ردودكم

عندك حق يا عمر
ما علينا

نتكلم في ايه؟؟؟؟!!!

ممكن مثلا نتكلم في موضوع الغرور
هو الواحد لما بيتكلم عن نفسه بس مش كتير
يعني لما يكون عامل حاجه حلوه ( ع غير عادته)
ويقعد يتكلم عليها كتيييييييير بس مش اوي يعني
بيون فرحان انه عمل كده يعني
ليه الناس بتسميه مغرور
مع انه مش غرور ولا حاجه
ده واحد فرحان انه عمل شئ جديد
ولا أيه؟

على فكرة انتي اختارتي موضوع جامد جدا جدا جدا جدا

لأنه فعلا موضوع مهم اوي
وعاملي أزمة كبيرة
لأن انا فعلا بيحصل معايا الموضوع ده

ناس كتير أوي مايعرفونيش واخدين عني فكرة اني مغرور
مع اني والله غير كده خالص الحمد لله
ومش فيا حتة الغرور دي
هتغر على ايه يعني يا حسرة

بس انا فعلا بما بعمل حاجه حلوة بكون فرحان اوي وممكن ده يخليني اتكلم عن الحاجه دي كتير

ده غير اني مش بحب افرض نفسي على حد ماعرفهوش
يعني عمري ما اروح افتح كلام مع حد واحنا مفيش بينا تعامل

علشان كده الناس بتفتكر اني مغرور

بس بجد اختيارك لموضوع الغرور ده اختيار رائع احييكي عليه

موضوعك جامد
الغرور فعلا حاجه مش كويسه عشان بتخلي اللي امامك
ياخد فكره مش كويسه عنك بس ده بيقي غصب عن الواحد
زي ماقال عمر انا ممكن اكون عملت حاجه كويسه ببقي عايزه
كل الناس تعرف اني عملت الحاجه دي بس بيبقي غصب عني لاني ببقي
فرحانه بالحاجه دي فا اللي امامي بيشوفني علي اني مغروره بس انا مش بيبقي
قصدي الغرور
Smile

موضوعك عسسسسسسسسل Smile

ياريت الكل يرد

الغرور فعلا حاجه مش حلوه خااااالص
بس ليه كل واحد بيبص للتانى على انه مغرور؟؟
لو اتصرف تصرف بدون قصد حتى يقولوا عليه مغرور
كل الناس بقت شايفه كل واحد حوليها انسان مش كويس
ايه اللى حصل للناس بس؟؟؟!!!!

الغرور؟؟؟؟؟؟؟؟؟؟؟؟؟؟؟؟؟؟؟؟

على فكره المعنى الحقيقي للغرور انك تتباهى بحاجه مش حقيقيه او مش فيك
اما اللي انتوا بتتكلموا عنه ده اسمه الكبر
وعالعموم الاتنين اوحش من بعض سواء كبر او غرور والرسول صلى الله عليه وسلم قال(لا يدخل الجنه من كان في قلبه مثقال ذرة من كبر......)
صدق رسول الله

وانا من رايي انه حاجه كويسه انك تبقى واثق من نفسك وعارف قيمتك بس ده مش معناه انك
تفضل طول الوقت تتباهى بنفسك.........وبس

والموضوع كويس وشكراااااا

أهلا بيكي يا ياسمين من تاني
وحمد الله على سلامتك وعلى رجوعك للمنتدى

وطبعا عندك حق فيه فرق كبير بين الغرور وبين الكبر أو التكبر

عايزين نغير شويه بقي عرفنا الغرور والكبر

انا عايزة اتكلم عن حقيقة كل واحد ليه بعض الناس بتظهر لك بشخصية اول لما تعرفها
وفجاه بتتغير وتتحول وتبقي شخص ضددك وتبقي شخصة غير اللي انت عرفتها في الاول
ياتري العيب بيبقي فينا ولا العيب في الناس دية ولا في الزمن اللي عايشين فيه

اولا الله يسلمك ياعمرو وشكرااااااااااااا

ثانيا بالنسبه لموضوعك يابسمه انا من رايي ان الناس مش بتتغير العيب فينا احنا
احنا اللي مش بنفهم الناس كويس وبنثق بسرعه فيهم ولما نفهمهم صح نقول انهم اتغيروا
وده رايي وانا بصراحه من الناس اللي بثق بسرعه في اي حد
والموضوع كويس

متفكرنيش يا بسمه
الحكايه دي حصلتلي اكتر من خمس مرات
والاربع مرات اسوء من بعض
.......
بس المشكله مش ف الناس (( احنا الناس ))
كل واحد منا المفروض يغير نفسه الاول
ويشوف نفسه ويحكم عليها قبل ما يحكم ع الناس
يمكن الشخص اللي بيكون حاجه ف الاول وبعد كده بيتغير
مش بيحبك
عشان ف الاول مكنش يعرفك وبعدين لما اتعرفتو عرفك
واكيد فيكي صفات مش بيحبها الشخص ده
عشان كده اتغير من نحيتك
صح ولا...؟؟

طيب انا عايزة اتكلم عن موضوع محيرني
هو موضوع الامراض المنتشرة اليومين دول
السرطانات والانفلونزات الغريبه اللي بتطلع كل يوم
انفلونزا الطيور وبعديها الخنازير وبكره..........
الله اعلم
غير الامراض التانيه اللي لسه ماتوصلوش لعلاج ليها
ياترى ده من اييييييييييييييه
1)بسبب التكنولوجيا اللي انتشرت اليومين دول والاشعاعات الخطيرة
اللي بتخرج منها

2)بسبب بعدنا عن ربنا فربنا غضب علينا وبعتلنا الامراض دي
عشان يفوقنا ونرجعله

3)ولا ده دليل على قرب يوم القيامه؟؟؟؟؟؟؟

4)ولا كل الاسباب دي مع بعض هيه السبب!!

[size=18]فعلا ده غضب من ربنا علينا...وبرضه بسبب التكنولوجيا.
زمان لما مكنش فيه ع الاقل العوادم الناس كانت بخيرها ..وكانو بيعيشوا ل 90 سنه
اما دلوقتي اللي ييجي ل 60 بيفلسع........ولو كشفوا ع البلد كلها هنا هيطلع تلات ارباعها
عندهم سكر وضغط وكانسر و0000الخ !!!!!! وده من ايه ؟؟؟!!!!.....بسبب بعدنا عن ربنا وحقدنا على بعض[/size]

ممكن نتكلم عن الغيرة

هو الافضل ان احنا تقول بنغير من ؟؟؟؟؟؟

ولا نقول بنغير علي؟؟؟؟؟؟؟؟؟؟؟

بصراحة انا مش عارفة وعايزة اعرف بردة الغيرة ديه مطلوبه ولا لا
لان انا مش بغير من حد ولا بغير علي حد
ياتري دة صح ولا الغيرة مطلوبه في حياتنا العادية

ازيك يا بسمه
بصي الغيره مطلوبه في حاجات معينه مش في كل الاوقات
يعني الحب فيه غيره والعلم فيه غيره
اما في حياتنا العمليه ماظنش ان في غيره
بس لازم تكون الغيره بحدود مش تكون بعبط عشان
اللي بيتعامل معاكي يقدر يتقبلها مش
يتخنق منك
وشكرا علي الموضوع

وانا نفس رأي ريري
ولو عايزه تقولي بغير من (( دي تتقال في حاله العلم )) مثلا
بغير من .. عشان هيا مستواها الدراسي عالي ونفسي ابقى احسن منها
ولو عايزه قولي بغير على(( دي تتقال للي بتحبيهم)) مثلا
في المستقبل ان شاء الله
انا بغير على جوزي من جارتنا
او دلوقتي
انا بغير على صاحبتي من البت دي (( اي حد تاني يعني))
ولا ايه؟

شكرااااااااا علي ردودكم

ممكن نتكلم عن النفا ق انا مقصدش ان احنا بنافق بعض
انا اقصد ان احنا بنافق نفسنا او الظهور بشكل غير طبيعة الواحد فينا
دة اسمة في القران \ رياء\ ممكن نفكر مع بعض اذاي نبعد عن النفاق في حيتنا
بينا وبين بعض وبين نفسنا

انا شايفة البعد عن الكذب هو اللي ممكن يخلينا منفقش بعض او النميمة اللي
بتخلينا نظهر بوجوه غير الوجوة نتكلم علي بعض من ورا بعض
وبنبقي ادام بعض ذي الملايكة لماا تشوفها؟؟؟؟؟؟؟؟؟؟؟؟؟
اتمني اشوف ردود كل الاعضاء عن موضوع النفاق دة

موضوعك حلو اوي
بصي ياستي
النفاق ده يرجع لنفس الواحد لو هوصريح مع نفسه وبيواجه نفسه
ماظنش انه هيكون منافق لانه هيكون صادق مع نفسه طول ماهو
صريح معها اما لوبينافق نفسه اصلا ومش متوافق معها الطبيعي
انه هيقول كلام غير اللي جواه وغير اللي نفسه راضيه عنها
وشكراااااااااااا

كلام ريري صح وانا موفقاها جدا جدا
على فكره انا صريحه جدااااااااااااااااا
وكنت من فتره قريبه كده منافقه ازاي ... معرفش
قعدت بيني وبين نفسي حوالي شهر كده اصلح العيب ده
ونجحت ... كان صعب عشان انا اساسا فشاره والفشر صفه فيا
بس الحمدلله نجحت في اني اتخلص من النفاق
لسه عايزه بقى اتخلص مـ الكدب
هههههههه

شكزااااااااا علي ردكودكم

بس والنبي انا عايزة باقي اصحبنا يردو ا

موضوع النفاق جنيني جداااااااااااا

لاني حاسه انه موجود في كل الناس وبالذات الشباب
انا والله مقصدش عارفة ان مش كلهم كدة بس وان صوابع ادينا مش ذي بعض

عادي انا عايزة اعرف وجهة نظر كل واحد في موضوع النفاق

sorry
sorry

انا مقصدش حاجة من كلامي خالص محدش يزعل مني بالذات الشباب اللي في المنتدي